Gondoli i kajcinja za Skopje

Ние, долупотпишаните граѓани на град Скопје, бараме од градоначалникот Трифун Костовски со наши пари и за нас да набави гондоли или кајчиња (со весла) за потребите на градот.

Потребата за ваков чекор се роди откако последниве неколку дена поради обилните врнежи градските улици беа преполни со вода па не можеше да се мрдне ни лево ни десно, по средина немој ни да помислиш да поминеш.

Како градоначалник кој има направено најмногу за градов, веруваме дека господинот Костовски ќе го послуша гласот на своите граѓани и избирачи, и во најкус можен рок ќе ни излезе во пресрет.

Се решивме на барањево единствено бидејќи санацијата на улиците и канализационата мрежа се прескапа неповратна инвестиција а на Скопје како метропола гондолите и кајчињата низ градските улици веруваме дека ќе му донесат голем број на туристи. Тоа како резултат ќе донесе поголемо полнење со пари на градската каса.