MANIFESTO POLA PROFESIONALIZACIÓN DA ACTIVIDADE DE ORIENTACIÓN LABORAL

Os abaixo asinantes, profesionais da orientación laboral de Galicia afectados negativamente polo proceso de contratación efectuado para a cobertura dos postos de orientación e prospección recentemente realizado pola Xunta de Galicia, queren manifestar de xeito conxunto a súa posición ante o mesmo. Posición que consideramos necesario difundir co obxectivo de mellorar a profesionalización da nosa lobar profesional e a calidade do servizo que se presta. Para nós o feito neste último proceso é a consecuencia da falta de consideración profesional da actividade de orientación laboral. Pero unha consecuencia que neste caso ten efectos moi negativos dada a actual situación do mercado laboral. Por unha banda as persoas con formación e experiencia nesta área profesional non poden participar no proceso, algo claramente inxusto, ineficiente e ineficaz. Por outra, o servizo a prestar ás persoas en desemprego, e ó propio Servizo Público de Emprego galego, non cumplirá as mínimas garantías de calidade e efectividade que son máis que necesarias nun momento tan delicado en materia laboral. Ademáis, a falta de preparación do persoal a contratar retrasa a oferta de servizos que, desde o R.D. 3/2011 son un dereito das persoas en desemprego e unha obriga da administración. Por esta razón queremos manifestar que: O proceso de selección do persoal de orientación laboral, debe garantir a posibilidade de concursar ás persoas cun perfil profesional (experiencia e formación) axeitado ás funcións a desenvolver. Co procedemento elixido as titulacións universitarias con máis contidos específicos de orientación laboral e educativa, ou aquelas que falan do ámbito do comportamento das persoas, quedan fóra. Do mesmo xeito, en ningún momento a experiencia laboral neste labor se sitúa como un factor indispensable. O proceso representa unha oportunidade perdida para a profesionalización de servizos públicos de especial significancia no dramático momento que estamos a vivir, no ámbito do mercado laboral e o emprego, con visibles consecuencias no eido social. Para nós constitue unha irresponsabilidade diante do desemprego máis alto e persistente da UE que neste momento non se teñan en conta o desenvolvemento competencial necesario para exercer profesionalmente neste campo. Ademais pérdese unha gran oportunidade de mellorar o traballo que xa se fai, camiñando na redución da temporalidade e multiplicando os recursos e o respaldo formativo do traballo de orientación laboral. Agora non é só un servizo máis. Formar parte do Catálogo de Servizos do SPE sitúa á orientación como un dereito das persoas e unha obriga da administración. A orientación laboral conta cun corpus teórico e práctico que respalda a súa actuación. Non ofertar o servizo neste marco constitúe un engano. Por último as persoas asinantes queren manifestar o seu compromiso coa profesionalización da actividade de orientación laboral. Considerámola, tal e como se afirma tanto en contidos técnicos como en contidos legais, a peza indispensable sobre a que deben pivotar as Políticas Activas de Emprego. Pero tamén a consideramos un servizo fundamental dada a situación de desemprego de, un máis que excesivo, número de persoas. Situación que non parece que vaia cambiar no futuro próximo.